राष्ट्र निर्मातालाई बिर्सँदा

निर्मला रेग्मीको 'इतिहास नभुलौं (९-माघ-२०६५) पढ्दा मन खिन्न भयो । हामी राष्ट्र निर्माता पृथ्वीनारायण शाहलाई कसरी भुल्न सक्छौं - जसले यत्र-तत्र छरिएका स-साना राज्य समेटेर विशाल नेपाल बनाए, आज यो देशले तिनकै नाम उच्चारण गर्न चाहेन । धान खाने मुसो चोट पाउने भ्यागुतो भनेजस्तै उनका सन्तानले गरेका गल्तीका आधारमा इतिहासले लेखिसकेको नाम भुल्ने प्रयास नगरौँ । निष्पक्ष मूल्याङ्कन गरौं ।

- यदुनाथ ज्ञवाली
शंकरनगर- ८, रूपन्देही
कान्तिपुर दैनिक

पर्वमा प्रवासी जीवन

आर्थिक अवस्थाले पिछडिएका हामी कोही मलेसियामा छौं त कोही खाडी मुलुकमा । विदेशमा पनि दसैं र तिहार आउँदो रहेछ, तर यहाँ भने साहुको नोकरी गर्नै पर्ने । काम छोडेर बस्यो भने तलब काटिने डर । आपसमा मिलेर दसैं-तिहार मनाउनेहरू भेटिन्छन् तर धेरैजसो साथीका आँखामा बग्न नसकेको आँसु देखिन्छ ।

दसैं-तिहार खुसीको मौका हो । परिवारसँग बसेर मनाउन नपाउनु हाम्रो बाध्यता । यसमा हामीले दुःख मानेर के गर्न सक्छौं ?

- यदुनाथ ज्ञवाली

शंकरनगर- ८, रूपन्देही

हालः दोहा कतार

कान्तिपुर दैनिक